AGEM (Asociación Galega de Empresas Musicais) é unha organización empresarial independente, privada e sen ánimo de lucro. Está acollida ao dereito legal para asociación de empresas e o seu goberno e representación son exercidos con criterios democráticos por delegados libremente escollidos.

MISIÓN

Representar as empresas que conforman a cadea de valor da actividade musical e cultural en Galicia.
Traballar para a promoción e defensa dos intereses empresariais no sector musical en xeral e dos seus asociados en particular.
Prestixiar o labor social das empresas que integran a cadea de valor dos eventos musicais e culturais.Influír e promover consensos entre o conxunto de institucións e axentes sociais a favor do progreso económico no terreo cultural.
Reivindicar o valor social das empresas musicais e culturais.
Fomentar a música e a cultura e defender a súa difusión como garantía do benestar económico e social.

VISIÓN

Ser un referente a favor da prosperidade na sociedade galega, contribuíndo á mellora económica, social e cultural, empregando a música como catalizador de talento, xerador de actividade económica e de proxectos creativos.

VALORES

Unión. Crer no valor do asociacionismo empresarial e do progreso social compartido.

Responsabilidade social. Contribuír decididamente ao desenvolvemento lexislativo e normativo no sector. Implementando protocolos de seguridade e benestar para as persoas, as instalacións e os equipos humanos cos que traballamos.

Eficacia, profesionalismo e especialización. Como garantía de calidade.

Identidade. Valorizar e participar do feito cultural que nos define como comunidade, achegando Galicia á diversidade cultural do mundo.

EMPRESAS

AGEM está integrada por empresas que conforman a cadea de valor da actividade cultural e musical. Empresas que realizan actividades de deseño, xestión e produción de eventos de carácter cultural, musical, educativo, social e de entretemento, destinados a ser realizados en locais pechados ou a ceo aberto e, en xeral, todas as actividades técnicas e preparatorias para a execución destes eventos ou servizos, incluída a actividade comercial, de representación de artistas, festivais, distribución e xestión (management).

BOA MUSICA EDITORIAL S.L

ESMERARTE INDUSTRIAS CREATIVAS S.L

NALGURES PRODUCIÓNS S.L.

NORDESIA PRODUCIÓNS S.L

MIRAXE, S.COOP.GALEGA

ERNIE PRODUCCIONES S.L.

OUVIRMOS S.L.

SWEET NOCTURNA S.L

FRANCISCO GOMEZ SEIJO ( COPRA PRODUCCIONES)

MENKEEPER NORTE S.L.

GESTIÓN CULTURAL ART MUSIC AGENCY, S.L  (ART MUSIC AGENCY)

PLAY PLAN CULTURAL S.L.U

ZOUMA PRODUCCIONES S.L.

SESNARMIGA, SL (Babel de Sons / Udra Producións).

MIRMIDON

DOTBEAT

UNGA UNGA MUSIC

IDEAROCK

CATEGORIA PRODUCCIONES

TOLEMIAS

CAVEA PRODUCCIONES

MASGALICIA

WORK ON SUNDAY

Estas empresas traballan en distintos mercados de artistas internacionais que conforman as programacións de numerosos festivais e espectáculos producidos en Galicia e noutros territorios. Igualmente, hai empresas que representan a diversos artistas, na súa maioría galegos, que traballan en mercados de todo o mundo. Tamén empresas de AGEM son promotoras de festivais maioritariamente producidos en Galicia, pero tamén noutros territorios. Empresas de produción técnica e persoal técnico especializado que traballan en numerosos espectáculos producidos dentro e fóra de Galicia. Distintas gravacións producidas ou editadas por empresas de AGEM teñen repercusión en mercados internacionais e son sincronizadas tanto a nivel fonográfico como editorial en producións audiovisuais; longametraxes, curtas, documentais e publicidade.

O impulso industrial propiciado por AGEM, vai máis alá do facturado polas empresas

Asociadas. O impacto económico dos espectáculos nos que participa AGEM, tanto de artistas en solitario coma de festivais, é de mais de 100 millóns de euros.

As empresas que conforman AGEM son a raíz do sector cultural e resultan fundamentais na industria global da cultura, na música e no seu tecido económico.

HISTORIA

Fundada no ano 2007, AGEM foi impulsora en 2010 do primeiro Convenio Colectivo de Eventos, Servizos e Producións Culturais de Galicia e participou activamente nos posteriores convenios e as súas revisións.

AGEM colabora de forma habitual co ISSGA, desa colaboración xurdiu documentación como as follas de prevención relativas a riscos nas montaxes e desmontaxes de escenarios. Así mesmo colaborou na elaboración da documentación para a prevención de riscos auditivos no sector.

A través da súa Presidencia forma parte da Comisión de Espectáculos e Actividades Recreativas de Galicia e colaborou no desenvolvemento da Lei 10/2017 de Espectáculos Públicos e Actividades Recreativas de Galicia.

Forma parte da Asociación Culturgal dende 2007 para impulsar e realizar a Feira das Industrias Culturais.