Volver a Novas

13 de Novembro de 2025

Carlos Ares, Artista do Ano, e Gandy, Persoa do Ano 2025 nos I Premios da Industria Musical de Galicia

Estamos felices de anunciar que Carlos Ares foi elixido Artista do Ano 2025 e Francisco Gómez “Gandy” foi recoñecido como Persoa do Ano 2025 na primeira edición dos Premios da Industria Musical de Galicia.

Con estes dous galardóns queremos destacar tanto o talento artístico e a proxección internacional de Carlos Ares como o compromiso e a traxectoria profesional de Gandy, figura clave no sostemento e consolidación da escena musical galega.

Ademais, o Premio á Excelencia na Experiencia do Público, decidido por votación popular, foi para o Surfing The Lérez, recoñecendo o seu compromiso coa comunidade e a súa capacidade para ofrecer experiencias memorables ao público.

Carlos Ares, Artista do Ano 2025

Eliximos a Carlos Ares como Artista do Ano pola súa traxectoria e pola súa contribución á difusión da cultura galega. O artista consolidouse no circuíto nacional como un talento innegable, cunha identidade artística única e un directo que conquista seguidores concerto tras concerto.

Despois do éxito do seu álbum Peregrino (2024), Ares reafirmou o seu crecemento con La boca del lobo (2025), unha obra que combina raíz, vangarda e emoción. Actualmente, está a presentar o novo disco con 15 concertos esgotados en salas de toda España, confirmando o seu lugar como un dos artistas máis vibrantes da súa xeración.

Gandy, Persoa do Ano 2025

Recoñecemos a Francisco Gómez “Gandy”, desde Copra Producciones, polo seu labor fundamental e silencioso na consolidación da música en directo en Galicia.

Durante décadas, Gandy foi motor, apoio e inspiración para artistas, promotores e públicos. Con profesionalidade, respecto e paixón, contribuíu a crear espazos, conectar persoas e facer que a música suceda.

Como destacou a nosa presidenta, Patricia Hermida, este galardón é unha mostra de agradecemento colectivo “pola súa constancia, visión e entrega, e polo papel chave que desempeñou e desempeña na consolidación da escena musical galega”.

Premio á Excelencia na Experiencia do Público 2025

O público elixiu, mediante votación popular, ao Surfing The Lérez como gañador do Premio á Excelencia na Experiencia do Público.

Este recoñecemento destaca a capacidade deste festival pontevedrés para ofrecer experiencias únicas, poñendo ás persoas espectadoras no centro e facendo da música un punto de encontro, emoción e identidade compartida.

Gala de entrega dos Premios

A gala dos I Premios da Industria Musical de Galicia celebrarase o xoves 27 de novembro na Sala Capitol de Santiago de Compostela.

Durante o evento coñeceremos tamén aos gañadores e gañadoras das 14 categorías xerais elixidas por un xurado profesional, nunha noite pensada para celebrar e fortalecer o talento galego e o noso tecido musical.

Laura Iturralde e José Faro “Coti”, de Nononon.lab, por Síntese horizonte, de Guadi Galego

Teresa Tresandí, por DILUVIO, de Tanxugueiras

José Faro e As Dúas e Punto, de Nononon.lab, por A RONDA, de Mondra

Iago Blanco, por La máquina del buen rollo, de The Rapants

Rubén Montes, por La boca del lobo, de Carlos Ares

Sara Martínez, por Uxía Lambona e a Banda Molona

Escena Sonora

Luxevan

Vacaline

Paco Iglesias

Victoria Blanco

Xabi Carnota

Aitana Cuétara

Kin Martínez

Manuel Tarrío

Iago Picó, por Pouland Studios

Juan de Dios, por Feira, de De Ninghures

Hevi, no Laboratorio Soyuz, por DE RONDA, de Mondra

Mondra e Daniel Rodríguez, por A RONDA

Marina Oural e Ugia Pedreira, da Oficina Galega de Outros Asuntos do Movemento, por Síntese horizonte, de Guadi Galego

Tanxugueiras, por DILUVIO

David Pedrouzo, de Todo Medre

Iván Arias, de WORK ON SUNDAY

Julio Gómez e Luis Campos, de Sinsalaudio

Equipo de Dinamización da Lingua Galega do IES Rafael Dieste da Coruña, por Aquí tamén se fala

The Office Comunicación, polo Atlantic Pride

Bring the Noise, polo Resurrection Fest Estrella Galicia

Zeltia Iglesias, Sofía Taboada, Daniel Rodríguez, Adriana Lado e María Ferradas, por DE RONDA, de Mondra

Adrián Canoura, Carlota Pereiro e Alejandro Guillán, por Barullo, de Baiuca

Lara Caeiro, Sandra Montero, Noemí Solla, Kika V Ramil, Arantxa Brandón e Fillas de Cassandra, por Hibernarse, de Fillas de Cassandra

Lorenzo Negueruela, Melania Freire e Lara Caeiro, por En fin, que máis dá, de De Ninghures

Santi Iglesias, Sergio “Steel” e Fillas de Cassandra, por Hibernarse, de Fillas de Cassandra

Xaime Miranda, por Ontes fun moi malo, de Grande Amore

Noites do Porto

Surfing the Lérez

WOS Festival x SON Estrella Galicia

Sala Capitol

Náutico de San Vicente

Café Torgal

Festival Agrocuir da Ulloa

Festival de la Luz

Festival Sinsal SON Estrella Galicia

En AGEM seguimos construíndo futuro

Con estes recoñecementos, reafirmamos o noso compromiso de seguir impulsando a profesionalización, a visibilidade e a sustentabilidade da industria musical galega.

O talento, a paixón e o traballo conxunto seguen sendo o motor que fai posible que a nosa música non deixe de medrar.

Coa colaboración de: