AGEM amplia o seu ámbito de actuación.

Na Asemblea do dia de hoxe aprobouse a ampliación do obxeto social de AGEM quedando redactado como segue ¨:

"A Asociación integrará a todos os empresarios persoas físicas e/ou xurídicas que teñan o seu domicilio social ou fiscal (neste último suposto para os empresarios individuais) no territorio da Comunidade Autónoma de Galicia e que a súa actividade empresarial ou profesional sexa a representación artistica, a de axente de contratación, a edición de fonogramas, a promoción... e produción técnica de eventos e espectáculos en calquera das súas fases, así coma outras actividades directamente relacionadas co espectáculo e a xestión cultural, incluidas a certificación de conformidade de producións de espectáculos, a seguridade e a formación especializada, a condición de que reúnan os requisitos profesionais, administrativos e legais pertinentes, e o demostren, no ano natural anterior á súa solicitude."
Esto permitirá a entrada de novos asociados con actividades complementarias as industrias musicáis.

Modificado o (Martes, 19 Setembro 2017 18:48)

 

Lei de espectáculos públicos e actividades Recreativas Galicia

A Xunta leva ao Parlamento  a primeira Lei de Espectáculos públicos e actividades recreativas de Galicia.

Modificado o (Luns, 18 Setembro 2017 17:02)

 

Convocatoria Asemblea Extraordinaria

A Xunta Directiva da  Asociación Galega de empresas musicais, asociación patronal representativa das promotoras, productoras,  managers e discográficas de Galicia acordou convocar a Asemblea Xeral EXTRAORDINARIA para o próximo día 19 de Setembro de 2017 .

Na mesma estudiarase  a idoneidade de ampliar o seu a´mbito de actuación a outras actividades relacionadas cos espectáculos como a seguridade, certificación de eventos e formación especializada entre outras materias.

Modificado o (Domingo, 03 Setembro 2017 18:09)

 

Anteproxecto de Lei de espectáculos públicos e actividades recreativas de Galicia

AGEM, asociación patronal representativa das promotoras, productoras managers e discográficas de Galicia presenta na Dirección Xeral de Emerxencias e Interior as súas alegacións ao borrador do anteproxecto de Lei de espectáculos públicos e actividades recreativas de Galicia , unha Lei de vital importancia para o sector musical que representa, e fundamentalmente para a seguridade do público asistente os eventos en Galicia #eventoseguro

 

Modificado o (Venres, 30 Xuño 2017 21:31)

 

ANTEPROXECTO DE LEI DE ESPECTÁCULOS PÚBLICOS E ACTIVIDADES RECREATIVAS DE GALICIA

AGEM REÚNESE CO VICEPRESIDENTE EXECUTIVO DA FEGAMP MANUEL MIRÁS FRANQUEIRA CON MOTIVO DO ANTEPROXECTO DE LEI DE ESPECTÁCULOS PÚBLICOS E ACTIVIDADES RECREATIVAS DE GALICIA

Nesta reunión na que participaron por parte de  AGEM  o seu Presidente X. Blanco, o seu Secretario Xavier Alonso e a súa xerente Beatriz Fernández debateuse  sobre os aspectos mais relevantes do anteproxecto de lei, así como das maiores dificultades na súa implantación, tanto para os Concellos promotores, produtores e comisión de Festas.

AGEM,  volveu a deixar constancia da importancia da publicación de esta norma para o sector musical así coma do seu posterior desenvolvemento regulamentario

AGEM, mostrou a súa preocupación pola súa implantación efectiva unha vez aprobado e salientou a relevancia da formación de tódolos axentes implicados no proceso da organización dun evento público.

Modificado o (Xoves, 22 Xuño 2017 21:14)

 

Anteproxecto de Lei de espectáculos e Actividades Recreativas de Galicia

AGEM está a elaborar as alegacións sobre o novo Anteproxecto de Lei de Espectáculos e Actividades Recreativas de Galicia , o mesmo foi presentado onte a asociación polo Director Xeral de Emergencias Luis Menor.

 

Modificado o (Martes, 20 Xuño 2017 19:35)

 

| Nova Xunta Directiva da Asociación Galega de Empresas Musicais.|

Don José Manuel Blanco Álvarez, de Nalgures Producións presidirá a Organización.

A Asociación Galega de Empreas Musicais, asociación representativa das industrias musicais de Galicia (Promotoras, produtoras, managament e fonográficas) renovou a súa Xunta Directiva que queda integrada por

 

  • Presidente: Don José Manuel Blanco Álvarez, de Nalgures Producións

     

  • Vicepresidente/ Tesoureiro: Don Xosé Manuel Aldea Moscoso, de Ouvirmos.

     

  • Secretario: Don Francisco Javier Alonso González, de Maruxa Eventos

     

  • A nova Xunta está a elaborar o plan de traballo e de actuación de cara ó exercicio 2017, así como os obxectivos da Asociación a medio prazo.

     

     

    Modificado o (Domingo, 02 Abril 2017 09:08)

     

    Subvencións ás actividades de distribución para industrias culturais

    AGADIC convoca as subvencións ás actividades de distribución para industrias culturais: 


    Data de publicación: 30 de marzo de 2017

    Prazo de presentación: Do 31 de marzo ao 31 de agosto de 2017, ou ata o esgotamento da partida orzamentaria asignada.

    As solicitudes de subvención examinaranse e serán outorgadas sempre que cumpran os requisitos exixidos por orde cronolóxica, tendo en conta a data de entrada no rexistro da Agadic. Ao se tratar dunha convocatoria aberta que dispón do crédito vixente en actos sucesivos de adxudicación, a Agadic publicará no DOG o esgotamento da partida orzamentaria, así como a inadmisión de ulteriores solicitudes destinadas a participar dos subtipos de subvención indicados. Desde o momento en que se esgote o crédito orzamentario, non serán outorgadas novas subvencións a estas modalidades, sen prexuízo do cumprimento do disposto no artigo 31.4 da Lei de subvencións de Galicia.

    Presentación das solicitudes: Para as persoas xurídicas e as súas representantes, obrigatoria por vía electrónica a través do portal https://sede.xunta.gal.

    Para a presentación das solicitudes poderase empregar calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365.

    Para aquelas persoas non obrigadas á presentación electrónica, opcionalmente, poderán presentarse as solicitudes presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.

    Convocatoria: DOG núm. 63. do xoves 20 de marzo de 2017

    Modificado o (Venres, 31 Marzo 2017 18:07)

     



    Próximos eventos
    Non hai eventos próximos
    Ver calendario completo
    November 2017 December 2017 January 2018
    Lu Ma Xo Ve Do
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Newsletter